Á Fjöri í Flóa um síðustu helgi voru veitt verðlaun fyrir íþrótta- og afreksmann Flóahrepps 2025. Það var handknattleiksmaðurinn Hannes Höskuldsson frá Stóra-Ármóti sem hlaut verðlaunin þetta árið.
Hannes er 27 ára gamall, vinstri hornamaður, sem hefur spilað með meistaraflokki Selfoss í handbolta síðan 2018. Hannes er fyrirliði liðsins, sem tryggði sér sæti í Olísdeild karla síðastliðið vor og var hluti af liðinu sem landaði Íslandsmeistaratitli árið 2019.
Hannes átti frábært ár í fyrra og var þriðji markahæsti leikmaður í Olís-deild karla á liðnu tímabili með 161 mark. Hann var jafnframt valinn leikmaður ársins hjá handknattleiksdeild Selfoss á síðasta tímabili.
„Hannes er flott fyrirmynd, innan vallar og utan og því tilvalið að heiðra hann í hans heimasveit,“ segir í tilkynningu Flóahrepps.