Hamar tók á móti Fjölni í 1. deild karla í körfubolta í Hveragerði í kvöld. Fjölnismenn höfðu betur og sigruðu 88-97.
Leikurinn var í járnum framan af en í 2. leikhluta gerðu Fjölnismenn áhlaup og leiddu 36-47 í hálfleik. Fjölnir jók forskotið hægt og sígandi í seinni hálfleik, Hamarsmenn voru aldrei langt undan en náðu ekki að brúa bilið.
Franck Kamgain var stigahæstur Hvergerðinga með 21 stig en Ryan Peters var framlagshæstur með 19 stig og 11 fráköst.
Hamar er í botnsæti deildarinnar með 4 stig en Fjölnir er í 5. sæti með 20 stig.
Hamar-Fjölnir 88-97 (24-24, 12-23, 22-24, 30-26)
Tölfræði Hamars: Franck Kamgain 21/6 stoðsendingar, Ryan Peters 19/11 fráköst, Lúkas Aron Stefánsson 16/9 fráköst, Birkir Máni Daðason 14, Arnar Dagur Daðason 6, Aron Orri Hilmarsson 6, Atli Rafn Róbertsson 4/9 fráköst, Björn Ásgeir Ásgeirsson 2/5 stoðsendingar.