Kvennalið Hamars tapaði 1-4 í 2. deildinni í kvöld þegar Hamrarnir frá Akureyri komu í heimsókn á Grýluvöll í Hveragerði.
Brynhildur Sif Viktorsdóttir kom Hamri yfir með glæsilegu marki á 19. mínútu en Hamrarnir jöfnuðu metin skömmu fyrir leikhlé og staðan var 1-1 í hálfleik.
Gestirnir skoruðu tvívegis á fyrstu fimmtán mínútum síðari hálfleiks og staðan var 1-3 allt fram á 86. mínútu þegar fjórða mark Hamranna leit dagsins ljós.
Hamar er enn án stiga eftir fyrstu tvo leikina en Hamrarnir eru með fullt hús í toppsæti deildarinnar.