Þrátt fyrir að Hamarshöllin hafi fokið út í veður og vind í vetur hafa krakkarnir í Hamri í Hveragerði ekki látið aðstöðuleysið á sig fá, heldur hafa þau náð frábærum árangri á fyrstu krakkamótum sumarsins.
Stelpurnar í 5. flokki kvenna fóru á TM mótið í Vestmannaeyjum í júní, með tvö lið sem stóðu sig frábærlega. Hamar 1 spilaði um bikar númer tvö og urðu í 13. sæti af yfir 100 liðum á mótinu. Hamar 2 stóðu sig einnig ótrúlega vel og voru óheppnar að tapa úrslitaleik.
Björgey Njála Andreudóttir var fulltrúi Hamars í landsleik mótsins og í mótslok var húm valin í lið mótsins.
Strákarnir í 6. flokki fóru síðan á Orkumótið í Eyjum þar sem Hamar spilaði frábærlega og endaði á því að spila úrslitaleik við KR, sem tapaðist og varð silfur því niðurstaðan.
Aftur átti Hamar leikmann í liði mótsins en Elmar Smári Hjartarson var valinn í lið mótsins og hann var einnig fulltrúi Hamars í landsleik mótsins, þar sem honum tókst að skora mark.
![](https://www.sunnlenska.is/wp-content/uploads/2022/07/5kvk2-1024x638.jpeg)
![](https://www.sunnlenska.is/wp-content/uploads/2022/07/6kk-1024x775.jpeg)
![](https://www.sunnlenska.is/wp-content/uploads/2022/07/Björg-6-764x1024.jpeg)
![](https://www.sunnlenska.is/wp-content/uploads/2022/07/Elmar1-768x1024.jpeg)