Hamar vann í markaleik

Hamar vann fyrsta sigur sinn í B-deild Lengjubikars karla í knattspyrnu í gær þegar liðið mætti Magna í Akraneshöllinni.

Þetta var mikill markaleikur en lokatölur urðu 5-3, Hvergerðingum í vil.

Axel Ingi Magnússon skoraði tvö marka Hamars en þeir Haraldur Hróðmarsson, Alexandre Tselichtchev og Sveinn Ingi Einarsson eitt hver.

Hamar er í 2. sæti riðilsins að loknum tveimur umferðum.