Hamar er úr leik í bikarkeppni karla í knattspyrnu eftir 4-2 tap gegn Úlfunum á útivelli í gærkvöldi. Leikurinn fór í framlengingu.
Fyrri hálfleikur var markalaus en um miðjan seinni hálfleikinn kom Brynjólfur Þór Eyþórsson Hvergerðingum yfir. Allt stefndi í sigur þeirra en á 89. mínútu náðu Úlfarnir að jafna metin og tryggja sér framlengingu.
Þar reyndust Úlfarnir sterkari, þeir komust í 4-1 en Ísak Leó Guðmundsson minnkaði muninn á 115. mínútu og þar við sat.
Þetta var fyrsti leikurinn í bikarkeppninni þetta árið en hin sunnlensku liðin mæta ekki til leiks fyrr en helgina 20.-22. mars.