Hamar/Þór tók á móti Selfossi í dag í fyrstu viðureign liðanna í umspili um sæti í úrvalsdeild kvenna í körfubolta. Lokatölur í Hveragerðu urðu 96-70.
Munurinn var ekki mikill í 1. leikhluta en í 2. leikhluta tók Hamar/Þór af skarið og staðan var 53-32 í hálfleik. Hamar/Þór gerði svo endanlega út um leikinn í 3. leikhluta og í upphafi 4. leikhluta var staðan orðin 86-40. Selfoss klóraði í bakkann í lokakaflanum en sigur Hamars/Þórs var aldrei í hættu.
Mariana Dugan var stigahæst hjá Hamri/Þór með 23 stig en Jada Guinn var framlagshæst með 22 stig, 4 fráköst og 7 stoðsendingar.
Hjá Selfyssingum var Mathilde Sorensen öflugust með 22 stig og 9 fráköst. Jessica Tomasetti skoraði 16 stig og tók 11 fráköst.
Hamar/Þór leiðir 1-0 í einvíginu en það lið sem fyrr vinnur þrjá leiki kemst áfram í úrslitaeingvígi gegn Þór Ak eða Fjölni.
Hamar/Þór-Selfoss 96-70 (27-20, 26-12, 30-8, 13-30)
Tölfræði Hamars/Þórs: Mariana Duran 23/7 fráköst, Jada Guinn 22/4 fráköst/7 stoðsendingar, Ana Clara Paz 15/8 fráköst, Bergdís Anna Magnúsdóttir 11/6 stoðsendingar, Jóhanna Ýr Ágústsdóttir 9, Jovana Markovic 9/12 fráköst, Elín Sara Magnúsdóttir 3, Jara Björg Gilbertsdóttir 3, Dagrún Inga Jónsdóttir 1.
Tölfræði Selfoss: Mathilde Boje Sorensen 22/9 fráköst, Jessica Tomasetti 16/11 fráköst/6 stoðsendingar, Heiður Hallgrímsdóttir 12/4 fráköst, Valdís Una Guðmannsdóttir 7, Gígja Marín Þorsteinsdóttir 6/5 fráköst, Anna Katrín Víðisdóttir 3, Vilborg Óttarsdóttir 2, Sigríður Svanhvít Magnúsdóttir 2/5 fráköst.