Hamar/Þór mætir Ármanni á útivelli í 8-liða úrslitum bikarkeppni kvenna í körfubolta. Dregið var í 8-liða úrslitin í Laugardalnum í hádeginu í dag.
Hamar/Þór og Ármann eru í tveimur neðstu sætum úrvalsdeildarinnar, bæði með 2 stig og því ljóst að um hörkuleik verður að ræða. Átta liða úrslitin verða leikin helgina 10. til 11. janúar.
Leikirnir í 8-liða úrslitum bikarkeppni kvenna:
Tindastóll – KR
Keflavík – Haukar
Grindavík – Aþena
Ármann – Hamar/Þór