Hamar/Þór vann öruggan sigur á Fjölni í fyrsta leik liðanna í umspili um sæti í úrvalsdeild kvenna í körfubolta. Liðin mættust í Hveragerði í gærkvöldi og heimakonur unnu 107-83 sigur.
Hamar/Þór byrjaði af krafti og skoraði 33 stig í 1. leikhluta. Staðan í hálfleik var 60-44. Seinni hálfleikurinn var jafnari en Fjölniskonur ógnuðu ekki sigri Hamars/Þórs.
Jada Guinn var með risaframlag fyrir Hamar/Þór, hún skoraði 44 stig, tók 5 fráköst og sendi 7 stoðsendingar. Ana Clara Paz og Jovana Markovic voru einnig með frábærar tölur, Paz skoraði 25 stig og tók 9 fráköst og Markovic skoraði 17 stig og tók 11 fráköst.
Leikur tvö fer fram í Grafarvoginum næstkomandi þriðjudag en það lið sem fyrr vinnur þrjá leiki mun tryggja sér sæti í úrvalsdeildinni á næsta tímabili.
Hamar/Þór-Fjölnir 107-83 (33-25, 27-19, 25-22, 22-17)
Tölfræði Hamars/Þórs: Jada Guinn 44/5 fráköst/7 stoðsendingar, Ana Clara Paz 25/9 fráköst, Jovana Markovic 17/11 fráköst, Mariana Duran 8/10 stoðsendingar, Bergdís Anna Magnúsdóttir 8/4 fráköst, Dagrún Inga Jónsdóttir 3, Jara Björg Gilbertsdóttir 2.