Hamar heimsótti KFG í Garðabæinn í 1. deild karla í körfubolta í kvöld. KFG vann nokkuð öruggan sigur, 99-89.
Hamar byrjaði betur og leiddi 21-30 eftir 1. leikhluta en KFG minnkaði muninn í 2. leikhluta og staðan var 48-51 í hálfleik.
Garðbæingar hófu seinni hálfleikinn af krafti og voru fljótlega komnir yfir, 59-58. Leikurinn var í járnum eftir það en KFG skoraði síðustu níu stigin í 3. leikhluta og þrjú fyrstu í 4. leikhluta og voru þá komnir með tíu stiga forystu, 77-67. Hamar átti fá svör eftir þetta og Garðbæingar lönduðu góðum sigri.
Joshua Hardiman átti stórleik fyrir Hamar, skoraði 41 stig og tók 14 fráköst og Jose Medina skoraði 16 stig og sendi 14 stoðsendingar.
KFG-Hamar 99-89 (21-30, 27-21, 26-16, 25-22)
Tölfræði Hamars: Joshua Hardiman 41/14 fráköst, Jose Medina 16/5 fráköst/14 stoðsendingar, Atli Rafn Róbertsson 13, Nicolas Dierynck 10, Birkir Máni Daðason 5, Lúkas Aron Stefánsson 4/5 fráköst, Arnar Dagur Daðason 4 fráköst.