Kvennalið Hamars lagði land undir fót í dag og heimsótti Einherja á Vopnafjörð í úrslitakeppni neðri hluta 2. deildar kvenna.
Heimakonur í Einherja reyndust sterkari og Adelina Ion kom þeim yfir með marki á 32. mínútu. Staðan var 1-0 í hálfleik en Ion bætti við öðru marki um miðjan seinni hálfleikinn og tryggði Einherja 2-0 sigur.
Hamar er í fimmta og neðsta sæti í úrslitakeppni félaga í sætum 7-12 í 2. deild kvenna með 4 stig en Einherji er í 2. sæti með 15 stig.