Hamar og Þór unnu nauma sigra þegar liðin léku sína fyrstu heimaleiki í 1. deild karla í körfubolta í kvöld. Þór fékk KFG í heimsókn og Hamar tók á móti Þór Ak.
Leikur Þórs og KFG var jafn í fyrri hálfleik en staðan í leikhléi var 53-52. Þórsarar tóku á sprett í 3. leikhluta en KFG náði að saxa vel á forskot þeirra í 4. leikhluta. Þórsarar höfðu þó sigur að lokum, 103-98 þar sem Djorde Dzeletovic fór mikinn með 35 tig og 7 fráköst.
Hamarsmenn tóku á móti Þór Akureyri og það hallaði undan fæti hjá Hvergerðingum í fyrri hálfleik. Staðan var 37-52 í hálfleik. Það var allt annað að sjá til Hamars í seinni hálfleik, þeir áttu frábæran 3. leikhluta og sigldu sigrinum heim í þeim fjórða eftir æsilegar lokamínútur, 101-100. Birkir Máni Daðason átti stórleik fyrir Hamar, skoraði 30 stig og tók 10 fráköst.
Þór Þ.-KFG 103-98 (26-24, 27-28, 32-22, 18-24)
Tölfræði Þórs: Djordje Dzeletovic 35/7 fráköst, Joey Holifield 26/5 fráköst/7 stoðsendingar, Jovan Sljivancanin 16/15 fráköst, Halldór Garðar Hermannsson 15/5 fráköst, Sigvaldi Eggertsson 9/6 stoðsendingar, Emil Karel Einarsson 2.
Hamar-Þór Ak. 101-100 (16-26, 21-26, 35-20, 29-28)
Tölfræði Hamars: Birkir Máni Daðason 30/10 fráköst/6 stoðsendingar, Joshua Hardiman 18/14 fráköst, Lúkas Aron Stefánsson 16/5 fráköst, Jose Medina Aldana 14/4 fráköst/10 stoðsendingar, Egill Þór Friðriksson 12/7 fráköst, Atli Rafn Róbertsson 6, Nicolas Germaan M. Dierynck 3, Arnar Dagur Daðason 2.