Stjórnir körfuknattleiksdeilda Hamars og Þórs hafa ákveðið að ljúka samstarfi félaganna í meistaraflokki kvenna í körfuknattleik eftir sex ára farsælt samstarf.
Í tilkynningu frá félögunum segir að rekstur meistaraflokka sé umfangsmikill og kostnaðarsamur. Á undanförnum misserum hefur orðið ljóst að aukið fjármagn þyrfti til að standa undir áframhaldandi rekstri á þeim grunni sem félögin höfðu sett sér markmið um. Félögin náðu ekki samkomulagi um forsendur áframhaldandi samstarfs og hafa því ákveðið að fara hvort sína leið.
Þór hefur óskað eftir því við Körfuknattleikssamband Íslands að taka þátt í 1. deild kvenna á næsta keppnistímabili undir merkjum Þórs Þorlákshafnar.