Hamar og Selfoss mættu til leiks í 1. deild karla í körfubolta í kvöld. Hamar heimsótti Fjölni og Selfoss lagði leið sína upp á Akranes.
Fyrri hálfleikurinn í Grafarvoginum var sveiflukenndur, Fjölnir byrjaði betur en Hamar svaraði fyrir sig í 2. leikhluta og staðan var 42-49 í hálfleik. Fjölnismenn reyndust hins vegar sterkari í seinni hálfleiknum, þeir náðu fljótlega undirtökunum og sigruðu að lokum 98-88. Birkir Máni Daðason var stigahæstur Hvergerðinga með 27 stig.
Kanalausir Selfyssingar máttu sín lítils gegn sterku liði ÍA á Akranesi. ÍA var skrefinu á undan framan af fyrri hálfleik en staðan í leikhléi var 44-37. Skagamenn gerðu nánast út um leikinn í 3. leikhluta en bilið jókst allan seinni hálfleikinn og lokatölur urðu 106-77. Tristan Máni Morthens var stigahæstur Selfyssinga með 21 stig.
Fjölnir-Hamar 98-88 (23-18, 19-31, 32-25, 24-14)
Tölfræði Hamars: Birkir Máni Daðason 27/6 fráköst, Joshua Hardiman 23/7 fráköst, Jose Medina 22/5 fráköst/9 stoðsendingar, Lúkas Aron Stefánsson 11/6 fráköst, Nicolas Dierynck 5.
ÍA-Selfoss 106-77 (25-17, 19-20, 32-17, 30-23)
Tölfræði Selfoss: Tristan Máni Morthens 21/7 fráköst, Gísli Steinn Hjaltason 10, Halldór Benjamín Halldórsson 10/5 fráköst, Fjölnir Morthens 9/5 stoðsendingar, Logi Smárason 8, Óðinn Freyr Árnason 6, Sigurður Darri Magnússon 4, Stefán Karl Sverrisson 3, Aristote Bissokot 3/7 fráköst, Benjamín Rökkvi Sigvaldason 2, Unnar Örn Magnússon 1.