Hamar vann 1-6 sigur á Smára í C-deild deildarbikars karla í knattspyrnu í Fagralundi í Kópavogi í kvöld.
Alfreð Snær Valdimarsson kom Hamri yfir strax á 2. mínútu og hann bætti við öðru marki á 23. mínútu. Þá tók Guido Rancez við og skoraði tvö mörk en í millitíðinni klóruðu Smáramenn í bakkann og staðan var 1-4 í hálfleik. Seinni hálfleikurinn var öllu rólegri en Ingimar Þorvaldsson og Rodrigo Depetris bættu við mörkum fyrir Hamar og lokatölur urðu 1-6.
Hamar er á toppi riðils-4 í C-deildinni, með 7 stig, eins og Elliði og Smári en með betra markahlutfall. Einungis stórt tap gegn Hömrunum í lokaumferðinni getur komið í veg fyrir að Hamar sigri í riðlinum.