Hamar lyfti sér úr neðsta sæti 1. deildar karla í körfubolta í kvöld með góðum sigri á Fylki, 98-108, í uppgjöri botnliða deildarinnar.
Hamarsmenn voru sterkari í fyrri hálfleiknum og leiddu 50-58 í hálfleik. Fylkismenn hittu betur í 3. leikhluta og þeir jöfnuðu 68-68 þegar rúmar 7 mínútur voru búnar af seinni hálfleik. Hvergerðingar svöruðu hins vegar vel fyrir sig í upphafi 4. leikhluta, þar sem þeir gerðu 18-4 áhlaup, þannig að staðan var 80-92 þegar fjórar mínútur voru eftir. Þar með var björninn unninn.
Isaac Johnson nýr framherji Hamars leit vel út í sínum fyrsta leik, skoraði 25 stig, tók 8 fráköst og sendi 6 stoðsendingar.
Hamar er í 11. sæti deildarinnar með 6 stig en Fylkir í 12. sætinu með 4 stig.
Fylkir-Hamar 98-108 (23-27, 27-31, 23-16, 25-34)
Tölfræði Hamars: Isaac Johnson 25/8 fráköst/6 stoðsendingar, Lúkas Aron Stefánsson 21/6 fráköst, Franck Kamgain 20/6 fráköst, Ryan Peters 15/15 fráköst, Birkir Máni Daðason 6, Aron Orri Hilmarsson 6, Arnar Dagur Daðason 6, Björn Ásgeir Ásgeirsson 5, Jens Hjorth Klostergaard 2, Atli Rafn Róbertsson 2.