Hamar tapaði 1-2 þegar liðið mætti GG í undanúrslitum C-deildar Lengjubikars karla í knattspyrnu á Selfossvelli í dag.
GG komst í 0-1 á 12. mínútu leiksins og þannig stóðu leikar í hálfleik. Grindvíkingar tvöfölduðu forystuna á 55. mínútu en Hamri tókst ekki að minnka muninn fyrr en á 5. mínútu uppbótartíma að Ísak Leó Guðmundsson kom knettinum í netið.
GG mætir því Snæfelli í úrslitaleik C-deildarinnar en Hamar er úr leik.