Hákon Hjartarson, þjálfari meistaraflokks kvenna hjá Hamar/Þór, hefur beðist lausnar frá störfum og hefur félagið orðið við þeirri beiðni.
Hallgrímur Brynjólfsson hefur tekið við þjálfun liðsins og mun stýra því út yfirstandandi tímabil ásamt Sævari Elí Kjartansyni, sem jafnframt starfaði sem aðstoðarþjálfari með Hákoni.
Þetta kemur fram í tilkynningu frá meistaraflokksráði Hamars/Þórs þar sem Hákoni eru þökkuð gríðarmikil og góð störf í uppbyggingu kvennakörfunnar á Suðurlandi.
Gengi Hamars/Þórs hefur verið afleitt í vetur og er liðið í botnsæti úrvalsdeildarinnar.