Varnarmaðurinn sterki Hafþór Þrastarson hefur skrifað undir samning við knattspyrnudeild Selfoss. Hafþór er Selfyssingur inn við beinið en hann spilaði sex leiki með Selfoss í pepsídeildinni árið 2012.
Gunnar Borgþórsson, þjálfari Selfoss, lýsir Hafþóri sem gríðarlega hröðum og agressívum leikmanni sem er einnig sterkur leiðtogi og kemur hann til með að styrkja hópinn innan sem utan vallar.
Hafþór verður gjaldgengur með Selfoss á sunnudaginn kemur þegar liðið mætir Pepsí-deildarliði KR í 1. umferð Lengjubikarsins.