Ægismenn eru komnir í 2. umferð Mjólkurbikars karla í knattspyrnu eftir 0-2 sigur á Fenri á útivelli í kvöld.
Það var búið að gefa út gula viðvörun á Hertz-vellinum í Breiðholti fyrir kvöldið en Fenrismenn áttuðu sig ekki á því og gulir og glaðir Ægismenn tryggðu sér sigurinn með tveimur mörkum í fyrri hálfleik.
Emanuel Nikpalj skoraði úr vítaspyrnu á 28. mínútu og Ásgrímur Þór Bjarnason tvöfaldaði forskot Ægismanna á 39. mínútu með góðu marki.
Ægir mætir KB eða Snæfelli á útivelli í 2. umferðinni.
1. umferð lýkur um helgina
Fyrstu umferð Mjólkurbikarsins lýkur um helgina en á laugardag mætast Augnablik og Árborg í Fífunni í Kópavogi og KFR og KH á Selfossvelli og á sunnudaginn taka Selfyssingar svo á móti Þrótti Vogum á gervigrasinu á Selfossi.