Hamar sigraði ÍR 1-0 í 2. deild kvenna í knattspyrnu í dag. Leikurinn átti að fara fram á Grýluvelli en þar sem veðurspáin var slæm var hann færður inn í Egilshöll í Grafarvogi.
Fyrri hálfleikur var markalaus en um miðjan seinni hálfleikinn skoraði Guðrún Halla Finnsdóttir glæsliegt mark fyrir Hamar. Það reyndist eina mark leiksins og Hvergerðingar fögnuðu sigrinum vel.
Hamar er nú í 6. sæti deildarinnar með 14 stig en ÍR er í 8. sæti með 10 stig.