Selfyssingurinn Guðmundur Stefánsson hefur skrifað undir samning við knattspyrnudeild Fram eftir að hafa spilað í vínrauðu treyjunni frá blautu barnsbeini.
Guðmundur steig sín fyrstu skref í meistaraflokki með Selfoss sumarið 2025 en hann hefur einnig leikið með Ægi.
„Ég er þakklátur fyrir tímann á Selfossi og allt fólkið sem ég hef kynnst á leiðinni. Liðsfélagar, þjálfarar, fólkið í kringum félagið og allir sem hafa mætt á völlinn og stutt okkur — takk fyrir allt,” segir Guðmundur í tilkynningu frá knattspyrnudeild Selfoss.
Guðmundur var útnefndur miðjumaður ársins á lokahófi Selfoss um síðustu helgi ásamt því að hljóta viðurkenningu fyrir mestu framfarir. Hann spilaði 36 leiki á nýafstöðunu tímabili og skoraði sex mörk.