Íþróttafélagið Hamar hefur ráðið Guðjónu Björk Sigurðardóttur í stöðu framkvæmdastjóra félagsins. Guðjóna Björk er 53 ára viðskiptafræðingur með meistaragráðu í stjórnun og hefur búið í Hveragerði frá tveggja ára aldri.
Guðjóna hefur víðtæka þekkingu og reynslu af rekstri, stjórnun og stefnumótun sem nýtast mun félaginu í framtíðarverkefnum þess.
Hún hefur verið gjaldkeri aðalstjórnar Hamars undanfarin tvö ár og gengur úr framkvæmdastjórn á aðalfundi Hamars í mars samhliða því sem hún hefur formlega störf.