Selfyssingurinn Guðmunda Brynja Óladóttir skoraði fyrra mark U17 ára liðs Íslands í knattspyrnu sem lagði Englendinga í milliriðli EM í Póllandi í dag.
Fyrri hálfleikur var markalaus en Guðmunda kom inná af varamannabekknum í hálfleik og kom Íslandi yfir fimm mínútum síðar. Elín Metta Ólafsdóttir kom svo Íslandi í 2-0 í uppbótartíma.
Hinn Selfyssingurinn í landsliðshópnum, Guðrún Arnardóttir, sat á varamannabekknum allan leikinn.
Þetta var fyrsti leikur Íslands í riðlinum en auk Englendinga mætir Ísland Svíþjóð og Póllandi. Eitt lið fer upp úr riðlinum í úrslitakeppni EM.