Sunnlendingar eiga þrjá fulltrúa í A-landsliði Íslands í knattspyrnu sem mætir Makedóníu og Slóveníu í undankeppni EM 2017.
Guðmunda Brynja Óladóttir, leikmaður Selfoss, kemur aftur inn í hópinn en hún var ekki valin í leikinn gegn Hvíta-Rússlandi á dögunum.
Rangæingarnir Hólmfríður Magnúsdóttir, Avaldsnes og Dagný Brynjarsdóttir, Selfossi, skoruðu mörk Íslands í þeim leik og þær eru áfram á sínum stað í landsliðshópnum sem tilkynntur var í dag.
Ísland leikur gagn Makedóníu þann 22. október og fjórum dögum síðar gegn Slóveníu, en báðir leikirnir fara fram á útivelli.