Guðmundur og Sigríður sæmd silfurmerki Umf. Selfoss

Hjónin Guðmundur Tyrfingsson og Sigríður Benediktsdóttir voru sæmd silfurmerki Umf. Selfoss fimmtudaginn 10, nóvember sl. í tilefni af 80 ára afmæli félagsins fyrr á þessu ári.

Stjórn Umf. Selfoss ákvað að heiðra hjónin fyrir áralangan stuðning og tryggð við félagið.

Þau eiga og reka Guðmund Tyrfingsson ehf. rótgróið fjölskyldufyrirtæki sem var stofnað 1969.

Í frétt á heimasíðu Selfoss segir að stuðningur og styrkur rútufyrirtækisins sé einn af hornsteinum í starfi Umf. Selfoss og afar ánægjulegt að geta heiðrað stofnendur þess með því að veita þeim silfurmerki félagsins.