Fyrsta Grýlupottahlaupið þetta árið fer fram á Selfossi næstkomandi laugardag. Skráning hefst klukkan 10:00 í suðurenda Kappalh hallarinnar og stendur til 10:55. Hlaupið sjálft hefst klukkan 11:00.
Krakkarnir í meistaraflokki frjálsíþróttadeildar Selfoss munu kynna nokkrar greinar inni í Kappahl-höllinni á meðan skráning stendur yfir, frá klukkan 10:00.
Grýlupottahlaupið fer fram sex laugardaga í röð, það er ekkert þátttökugjald og allir eru velkomnir, ungir sem aldnir. Aðstandendur geta hlaupið með börnum sínum og vinir geta skráð sig saman; ræst er í 6 manna hópum. Hlauparar eru ræstir sex í einu með 30 sekúndna millibili og aðalatriðið er að vera með og hafa gaman.
Hlaupinn er hringur í kringum Selfossvöll, rúmlega 800 metrar. Til að hljóta viðurkenningarskjal þarf að ljúka að minnsta kosti fjórum hlaupum.