Selfoss vann góðan útisigur á Fylki í Grill 66 deild kvenna í handbolta í kvöld, 19-23.
Selfoss hafði góð tök á leiknum allan tímann. Staðan var 9-13 í leikhléi, en Selfoss náði mest sjö marka forystu í seinni hálfleik, 11-18.
Katla María Magnúsdóttir var markahæst Selfyssinga með 8 mörk, Hulda Dís Þrastardóttir skoraði 6/3, Agnes Sigurðardóttir, Katla Björg Ómarsdóttir og Þuríður Ósk Ingimarsdóttir 2 og þær Hólmfríður Arna Steinsdóttir, Rakel Guðjónsdóttir og Elín Krista Sigurðardóttir skoruðu allar 1 mark.
Henriette Østergård varði 12 skot í marki Selfoss og var með 38% markvörslu.
Selfoss er í 3. sæti deildarinnar með 22 stig en Fylkir er í 11. sæti með 6 stig.