Kvennalið Selfoss í handbolta lyfti sér upp í 2. sætið í 1. deildinni í dag með góðum útisigri á Gróttu, 27-31.
Leikurinn var í járnum í fyrri hálfleik og eitt mark skildi liðin að í leikhléi, 14-15. Selfyssingar voru sterkari í síðari hálfleiknum og unnu að lokum fjögurra marka sigur.
Tinna Sigurrós Traustadóttir var markahæst Selfyssinga með 9 mörk, Roberta Stropus skoraði 8, Emilía Ýr Kjartansdóttir 6, Elínborg Katla Þorbjörnsdóttir 4, Kristín Una Hólmarsdóttir 3 og Tinna Soffía Traustadóttir 1.
Selfoss jafnaði FH að stigum með sigrinum, liðin hafa bæði 6 stig en FH er með mun betra markahlutfall.