Þór Þorlákshöfn vann góðan sigur á Fjölni í úrvalsdeild karla í körfubolta í kvöld, 83-91 á útivelli í Grafarvogi.
Leikurinn var jafn í 1. leikhluta en í 2. leikhluta stungu Þórsarar af, spiluðu frábærlega í vörn og sókn og voru komnir í 34-48 í leikhléi.
Seinni hálfleikurinn var jafnari og undir lokin náðu Fjölnismenn að þjarma aðeins að Þórsurum en bilið var of breitt og Þór fagnaði sigri.
Eftir leiki kvöldsins er Þór í 8. sæti deildarinnar með 6 stig en Fjölnir er í 11. sæti með 2 stig.
Tölfræði Þórs: Vincent Bailey 21/9 fráköst, Emil Karel Einarsson 19/7 fráköst, Halldór Hermannsson 17/5 fráköst/5 stoðsendingar, Dino Butorac 17/7 fráköst, Marko Bakovic 12/12 fráköst, Davíð Arnar Ágústsson 3, Ragnar Örn Bragason 2.