Glímufélagið Berserkir tók þátt í hvítbeltamóti VBC um síðustu helgi. Mótið er ætlað byrjendum í íþróttinni og keppendum með hvít eða blá belti.
Alls tóku 63 keppendur þátt þennan dag en Berserkir sendu fimm keppendur til leiks sem stóðu sig afar vel. Uppskeran var ein gullverðlaun, tvö silfur og ein bronsverðlaun.
Sigríður Jóna Rafnsdóttir sigraði í flokki hvítbelta -64 kg, Arnar Högni Arnarsson hlaut silfurverðlaun í flokki hvítbelta -70 kg og Daníel Sigurðsson sömuleiðis í -88 kg flokknum.
Fannar Júlíusson vann bronsverðlaun í flokki blábelta -76 kg og Emil Waagfjörð varð í 5. sæti í flokki hvítbelta -82 kg.
Frammistaða Berserkja var til fyrirmyndar á mótinu og miklar bætingar hjá hópnum. Berserkir sýndu mikla baráttu og buðu upp á fjölmargar skemmtilegar glímur, þar sem uppgjafartök sáust í nokkrum viðureignum.