Aðalfundur Glímuráðs HSK var haldinn í Selinu á íþróttavellinum á Selfossi á dögunum. Tólf fulltrúar frá fimm af sex aðildarfélögum ráðsins mættu á fundinn og þá mætti framkvæmdastjóri HSK og tók að sér fundarstjórn á fundinum.
Breyting varð á stjórn ráðsins þar sem Jana Lind Ellertsdóttir ritari og varaformaður ráðsins gaf ekki kost á sér til endurkjörs og það sama má segja um Guðna Báruson, sem verið hefur gjaldkeri ráðsins undanfarin ár. Stefán Geirsson formaður ráðsins gaf aftur á móti kost á sér og var endurkjörinn. Ólafur Elí Magnússon úr Dímon var kosinn nýr ritari og varaformaður og Kristinn Guðnason úr Garpi var kosinn gjaldkeri. Sigurður Þór Emilsson og Óðinn Kjartansson voru endurkjörnir í varastjórn.
Á fundinum var rætt um mótahald í vetur og verkefni á komandi keppnistímabili. Þá var rætt um mönnun Glímuþings 2026, en HSK átti að þessu sinni rétt á að senda níu fulltrúa.
Í lok fundar var ákveðið að halda Haustfund Glímuráðs HSK í Selinu 31. ágúst nk.