Knattspyrnulið Ægis í Þorlákshöfn hefur fengið góðan liðsstyrk en varnarmaðurinn reyndi Milos Glogovac er genginn í raðir félagsins.
Ægismenn leika í 2. deild karla en þeir höfnuðu í 10. sæti síðasta sumar á sínu fyrsta ári í deildinni um langt skeið.
Milos verður 34 ára á árinu og kemur frá KF sem féll úr 1. deildinni í fyrra. Hann hefur leikið fyrir KF síðan 2011 og var valinn í lið ársins í 2. deild 2012.
Hann hefur leikið á Íslandi síðan 2005 þegar hann var með Víkingi Reykjavík en hann lék meðal annars með liðinu í efstu deild.
fotbolti.net greindi frá þessu.