Árborg tapaði stigum í toppbaráttu A-riðils 4. deildar karla í knattspyrnu í dag þegar liðið gerði 1-1 jafntefli við Samherja á Selfossvelli.
Leikurinn var markalaus í fyrri hálfleik en bæði lið fengu ágæt færi og meðal annars var bjargað á línu á báðum endum vallarins í fyrri hálfleik.
Á 61. mínútu kom Þorvarður Hjaltason Árborg yfir með glæsilegu marki af löngu færi og staðan var 1-0 allt þar til á lokamínútu leiksins að Samherjar skölluðu boltann í netið eftir aukaspyrnu.
Hvorugu liðinu tókst að bæta við í uppbótartímanum og niðurstaðan því 1-1 jafntefli.
Árborg er í 2. sæti A-riðilsins með 20 stig en Samherjar eru í 4. sætinu með 15 stig.