Íslandsmót Judosambands Íslands 2025 fyrir aldursflokkana U13, U15, U18 og U21 fór fram síðastliðinn laugardag í húsnæði Judodeildar Ármanns. Alls mættu 100 keppendur til leiks á mótinu.
Judodeild Selfoss var þriðja stærsta félagið og sendi 17 keppendur til leiks og skilaði liðið eftirtektarverðum árangri: einum gullverðlaunum, fernum silfurverðlaunum og níu bronsverðlaun.
Þetta var flott mót hjá hópnum en meirihlutinn fer einnig til Danmerkur næstu helgi að keppa á Copenhagen Open og í æfingabúðir.
Oleksii Íslandsmeistari
Skemmtilegt var að fylgjast með yngstu krökkunum og þar á meðal Oleksii Ohorodnyk sem varð Íslandmeistari í U13. Fannar Júlíusson var með flotta endurkomu eftir pásu frá keppni og fékk brons í -73 kg flokki U21. Óðinn Ingason og Gestur Maríasson kepptu báðir upp fyrir sig um þyngdarflokk en stóðu sig virkilega vel þrátt fyrir þyngdarmuninn. Óðinn náði í silfur í -60 kg flokki U21 og Gestur í brons í -60 kg flokki í bæði U18 og U21.
Þeir Selfyssingar sem komust á verðlaunapall voru þessir:
Gullverðlaun
Oleksii Ohorodnyk – U13 -50 kg
Silfurverðlaun
Ella Rogge – U18 -63 kg og brons í U21
Óðinn Ingason – U21 -60 kg
Mikael Ólafsson – U18 -81 kg
Sigurður Baldvinsson – U13 -66 kg
Bronsverðlaun
Kolbrún Baldvinsdóttir – U13 -44 kg
Svava Stefánsdóttir – U13 -57 kg
Dynþór Halldórsson – U13 -42 kg
Ágúst Ragnarsson – U13 -50 kg
Fannar Júlíusson – U21 -73 kg
Gestur Maríasson – U21 -60 kg og U18
Styrmir Hjaltason – U21 -81 kg
Jónas Gíslason – U15 -66kg 4.sæti
Þjálfarar Selfoss voru Egill Blöndal og Heiðrún Fjóla Pálsdóttir.