Uppsveitir tóku á móti Smára frá Kópavogi í 5. deild karla í knattspyrnu á Laugarvatni í gærkvöldi.
Leikurinn var báðum liðum mikilvægur en þau eru um miðjan riðilinn og stefna á 2. sætið, sem gefur sæti í úrslitakeppni deildarinnar.
Alfonso Porras kom Uppsveitum yfir með góðu marki á 27. mínútu og staðan var 1-0 í hálfleik. Það stefndi allt í annan sigur Uppsveita í röð, þar til á lokamínútunni að Smáramenn jöfnuðu metin og liðin skildu jöfn, 1-1.
Eftir átta umferðir eru Uppsveitir í 6. sæti A-riðilsins með 10 stig en Smári er í 4. sæti með 12 stig.