Selfoss tók á móti Fjölni í 1. deild kvenna í körfubolta í dag. Liðin eru í efri hluta deildarinnar en Fjölniskonur reyndust mun sterkari og sigruðu 59-89.
Jafnræði var með liðunum í 1. leikhluta en í 2. leikhluta stungu Fjölniskonur af og staðan var 30-45 í hálfleik. Munurinn jókst svo jafnt og þétt í seinni hálfleiknum þar sem gestirnir höfðu góð tök á leiknum.
Heiður Hallgrímsdóttir var stigahæst Selfyssinga með 15 stig en Jessica Tomasetti var framlagshæst með 14 stig og 13 fráköst.
Selfoss er í 4. sæti deildarinnar með 18 stig en Fjölnir í 2. sæti með 26 stig.
Selfoss-Fjölnir 59-89 (17-22, 13-23, 10-22, 19-22)
Tölfræði Selfoss: Heiður Hallgrímsdóttir 15/8 fráköst, Jessica Tomasetti 14/13 fráköst/5 stoðsendingar/6 stolnir, Valdís Una Guðmannsdóttir 8, Mathilde Boje Sorensen 7, Perla María Karlsdóttir 7, Anna Katrín Víðisdóttir 5, Sigríður Svanhvít Magnúsdóttir 3/5 fráköst.