Körfuknattleiksmaðurinn Gerald Robinson hefur samið við Selfoss-Körfu um að leika með liðinu næstu tvö árin.
Robinson kemur frá Sindra sem hann lék með í 1. deildinni á síðasta tímabili og var besti leikmaður og kjölfestan í liði þeirra Hornfirðinga með rúm 22 stig, 10 fráköst og 22 framlagspunkta að meðaltali í leik. Hann var í hópi bestu leikmanna deildarinnar, í 4. sæti yfir stiga- og frákastahæstu leikmennina.
Robinson á að baki farsælan feril í úrvalsdeildinni hér á landi síðasta áratuginn og spilaði með Haukum, Hetti, Njarðvík og ÍR áður en hann gekk til liðs við Sindra.