Alls voru 100 keppendur frá sex félögum skráðir til leiks á héraðsmót HSK í borðtennis, sem fram fór að Laugalandi sunnudaginn 19. október sl. Mótið hefur einu sinni áður verið haldið á Laugalandi, en það var árið 1988.
Segja má að um 50 ára afmælismót hafi verið að ræða, en fyrsta héraðsmótið var haldið árið 1975. Mótið hefur verið haldið nær árlega síðan.
Á mótinu í ár var keppt í tólf aldursflokkum. Garpur vann stigabikarinn annað árið í röð og í þriðja sinn í sögu mótsins. Dímon sem hefur unnið stigakeppnina oftast allra, eða 20 sinnum, varð í öðru sæti og Selfyssingar urðu svo í þriðja sæti.
Stigakeppni félaga:
1. Íþr.f. Garpur 90,75 stig
2. Íþr.f. Dímon 64,75 stig
3. Umf. Selfoss 33,5 stig
4. Umf. Stokkseyrar 2 stig
5. Umf. Gnúpverja 0 stig
Úrslit úr öllum leikjum á mótinu má sjá á vef Tournament Software.
Myndir frá mótinu má sjá á Borðtennis.is