Fyrstu stig FSu í vetur

Lið Körfuknattleiksfélags FSu vann sinn fyrsta sigur í 1. deild karla í vetur þegar liðið vann öruggan sigur á Skallagrím í Iðu 104-90.

Fyrsti leikhluti var jafn en undir lok hans skoraði FSu tíu stig í röð og náði sjö stiga forskoti, 26-19. FSu lét forystuna ekki af hendi eftir þetta en staðan í hálfleik var 42-31.

Þriðji leikhluti var jafn en FSu jók forskotið um fjögur stig og staðan var 71-56 þegar síðasti fjórðungurinn hófst. Á lokakaflanum spiluðu liðin allt annað en vörn og var skothríðin mikil á báða bóga. FSu hélt fengnum hlut og leikmenn liðsins fögnuðu fjórtán stiga sigri að lokum, 104-90.

Orri Jónsson skoraði 24 stig í leiknum og Bjarni Bjarnason 22. Sæmundur Valdimarsson átti mjög góðan leik og skoraði 18 stig og Kjartan þjálfari Kjartansson skoraði 13 stig auk þess að taka átta fráköst.