Ægismenn náðu í sitt fyrsta stig í 1. deild karla í knattspyrnu í sumar þegar þeir heimsóttu Njarðvík í dag.
Leikurinn var í járnum í fyrri hálfleik, fátt um færi en Njarðvíkingar voru nær því að skora.
Staðan var 0-0 í hálfleik og það breyttist ekki í seinni hálfleiknum, þó að bæði lið hafi fengið prýðileg færi. Ægismenn settu boltann tvisvar í þverslána á marki Njarðvíkur og heimamenn áttu stangarskot á lokakaflanum þar sem þeir þjörmuðu vel að Ægisliðinu.
Ægir er í 12. sæti 1. deildarinnar með 1 stig en Njarðvík er í 10. sæti með 5 stig. Næsti leikur Ægis er á miðvikudagskvöldið á heimavelli gegn ÍR.