Ægismenn mættu aftur til leiks í 1. deild karla í knattspyrnu í gærkvöldi þegar þeir heimsóttu Fylki í Árbæinn. Eftir bragðdaufan fyrri hálfleik tóku Fylkismenn öll völd í seinni hálfleik og sigruðu 3-0.
Þeir gulu fengu fá færi í leiknum en Fylkir braut ísinn strax á 1. mínútu síðari hálfleiks. Tvö mörk til viðbótar fylgdu í kjölfarið næsta korterið og Fylkir var líklegri að bæta við mörkum en Ægir að minnka muninn.
Ægir mætir HK á útivelli á 1. maí en fyrsti heimaleikur liðsins verður laugardaginn 9. maí þegar Grótta kemur í heimsókn.