Knattspyrnuvertíðin 2026 er hafin hjá Ægismönnum sem reru á ný mið í A-deild Lengjubikarsins í dag. Ægir heimsótti úrvalsdeildarlið Fram í Úlfarsárdalinn og þar sem Framarar tóku þá í kennslustund.
Fram komst yfir strax á 4. mínútu og þeir skoruðu svo þrjú mörk á átta mínútna kafla undir lok fyrri hálfleiks.
Staðan var 4-0 í hálfleik og Framarar bættu svo við tveimur mörkum á fyrstu tíu mínútum seinni hálfleiks. Þar við sat og lokatölur urðu 6-0.
Næsti leikur Ægis er gegn Vestra eftir viku en aðrir mótherjar liðsins í Lengjubikarnum eru Stjarnan, Keflavík og HK.