Knattspyrnuárið 2019 er hafið en bæði kvenna- og karlalið Selfoss léku leiki í æfingamótum um helgina.
Selfoss heimsótti Breiðablik í Fífuna í Faxaflóabikar kvenna. Lokatölur urðu 4-2, Blikum í vil, en Karitas Tómasdóttir og Magdalena Reimus skoruðu mörk Selfoss.
Karlarnir áttu að leika gegn Haukum á Selfossvelli á laugardag í Fótbolti.net-mótinu en leiknum var frestað þar sem snjóað hafði yfir völlinn. Liðin mættust því á Ásvöllum í gær og lauk leiknum með 1-1 jafntefli þar sem Guðmundur Tyrfingsson kom Selfyssingum yfir snemma leiks.