Á aðalfundi knattspyrnudeildar Selfoss sem fór fram 6. desember var nýr formaður kjörinn. Jón Steindór Sveinsson mun taka við keflinu af Adólfi Ingva Bragasyni sem flytur af landi brott á nýju ári.
Aðrir meðlimir stjórnar voru endurkjörnir.
Á fundinum kom fram að rekstur deildarinnar er góður. Bygging á knatthúsi er komin í gegnum fyrstu umræðu fjárhagsáætlun bæjarstjórnar og mun lokasvar um byggingu þess liggja fyrir í þessari viku.
Á fundinum fengu Gunnar Borgþórsson, Guðmundur Sigmarsson og fráfarandi formaður, Adolf Ingvi Bragason allir silfurmerki ungmennafélagsins fyrir frábært starf í þágu deildarinnar síðustu ár.