Fjórir leikmenn Selfoss hafa verið boðaðir á æfingar A landsliðs kvenna í knattspyrnu sem fram fara í Kórnum og Egilshöll nú um helgina.
Þetta eru reynsluboltarnir Guðmunda Brynja Óladóttir og Thelma Björk Einarsdóttir sem báðar hafa leikið með landsliðinu en auk þess nýliðarnir Hrafnhildur Hauksdóttir og Heiðdís Sigurjónsdóttir.
Freyr Alexandersson, landsliðsþjálfari, valdi að þessu sinni 21 leikmann í æfingahópinn, sem allir leika með félagsliðum hér á landi.