Þrír leikmenn Hamars, ásamt þjálfara liðsins, voru verðlaunaðir í gær þegar Blaksamband Ísland útnefndi úrvalslið fyrri hluta Íslandsmótsins.
Ragnar Ingi Axelsson var kosinn besti frelsinginn, Hubert Laseci besti uppspilarinn og Hafsteinn Valdimarsson besti miðjumaðurinn. Þá var Tamás Kaposi kosinn besti þjálfarinn.
Þjálfarar og fyrirliðar hvers liðs höfðu kosningarrétt og fór athöfnin fram í Sandkastalnum fyrir úrslitakeppnina á Reykjavíkurleikunum.