Hamar tók á móti Gróttu í 2. deild kvenna í knattspyrnu í kvöld. Leiknum lauk með öruggum sigri Gróttu.
Grótta skoraði tvö mörk með mínútu millibili á upphafsmínútunum en Brynja Valgeirsdóttir minnkaði muninn fyrir Hamar á 22. mínútu og staðan var 1-2 í hálfleik.
Gestirnir reyndust sterkari í seinni hálfleiknum. Þær skoruðu fjögur mörk með reglulegu millibili og lokatölur urðu 1-6.
Þetta var fjórði tapleikur Hamars í röð en liðið er áfram í 11. sæti deildarinnar með 1 stig en Grótta er í 2. sæti með 14 stig.