Einar Jónsson þjálfari U20 ára landsliðs Íslands í handbolta hefur valið nítján manna landsliðshóp til æfinga. Selfoss á flesta fulltrúa allra félaga í þessu landsliði.
Það eru þær Elena Elísabet Birgisdóttir, Perla Ruth Albertsdóttir, Katrín Ósk Magnúsdóttir og Hulda Dís Þrastardóttir.
Þá hefur Selfyssingurinn Kristrún Steinþórsdóttir verið valin í afrekshóp kvenna sem æfir vikuna 22.-29. nóvember undir stjórn Hilmars Guðlaugssonar. Hópurinn er hugsaður til að tengja betur saman Olísdeildina, yngri landslið og A landslið kvenna. Þarna fá fleiri leikmenn að kynnast því starfi sem er unnið í kringum landsliðin.