Unglingalandsmót UMFÍ var haldið á Sauðárkróki um verslunarmannahelgina og þangað mættu um 130 keppendur frá Héraðssambandinu Skarphéðni og 29 frá Ungmennasambandi Vestur-Skaftafellssýslu.
Þátttakendur á aldrinum 11-18 ára voru í heildina tæplega 1.100 talsins af öllu landinu sem kepptu í rúmlega 20 íþróttagreinum og sóttu svo ýmsa afþreyingu milli greina og á kvöldin. Á mótinu var hugað að því að bjóða upp á eitthvað fyrir sem flesta, en í boði var ýmis afþreying fyrir 10 ára og yngri og einnig fyrir fullorðna. Mótinu var slitið með tónleikum, brekkusöng og flugeldasýningu af Nöfunum.
Jón Aðalsteinn Bergsveinsson, ritstjóri Skinfaxa, var með myndavélina á lofti alla helgina og hér fyrri neðan eru nokkrar myndir sem hann tók á mótinu.
